Ван Дог

«Ван Дог» — комикс пен «ізде-тап» форматын шебер тоғыстырған, өнер мен қиялдың табиғатын әсем суреттейтін ерекше кітап. Мәтіні — Микауай Пашински, иллюстрациялары — Гошиа Херба. Бір күні Ван Дог табиғаттың тынысын қағазға түсіру үшін ауыл шетіне жол тартады. Мольбертін орнатып, бояуларын араластырып, айналаны көзбен шолған сәттен-ақ дала өзгере бастайды: саңырауқұлақты кемірген ұлулар, тездете жиналған құмырсқалар, алыс Токиоға бет алған дәу кесіртке — бәрі бір сәтте тіріліп, көз алдына тұтас бір әлемді әкеледі. Түс пен әрекет көбейген сайын Ван Дог үшін суретті аяқтау қиындай түседі. Бірақ, бәлкім, дәл осы қым-қуыт тіршілік, осы табиғаттың байлығы оның қиялына қанат бітіріп тұрған шығар? «Ван Дог» — оқырманды бояулар мен қимылға толы әлемге шақыратын, әр детальдан сиқыр табуға үйрететін нәзік те қызықты кітап.