Мамандықтың мәні

Бұл кітап мамандық, кәсіп, қызмет, қарым-қабілет, тәңірлік бейім, талант, еңбек, арман, мақсат, ерік-қалау, тұлғалық даму, мән табуұғымдарына экзистенциализм тұрғысынан түсінік береді. Оларға философиялық талдау жасап, өмірлік мысалдармен, деректі оқиғалармен түсіндіреді. «Мамандық адамның пешенесіне жазыла ма, әлде оны өзі таңдай ма?», «Білікті маман қалай қалыптасады?», «Олардың құралы қайсы, құндылығы қайсы?», «Мансап жолында неге назар аударуы керек?» деген сияқты бірқатар сауалдарға жауап іздейді.

Кітап мұғалімдер мен ата-аналарға, жастарға және жоғары сынып оқушыларына, сондай-ақ осы тақырыпқа қызығатын барша оқырманға арналады.